IOANE ENA REVAREVA IHARUANA
2 John
1Lau heitatao taugu ese e abimu hidi hahinemu mai natumu ida na tore henimuimu. Lau na hereva momokani ai na lalokau henimuimu; bona dia lau mo, a hereva momokani dibadia taudia iboudiai danu, 2hereva momokani laloda ai e miamu bona dekedai do baine mia hanaihanai dainai. 3Hariharibada bona hebogahisl bona maino dekedai bae mia, Tamada Dirava ena amo bona Tamada Natuna, Iesu Keriso, ena amo, hereva momokani ai bona lalokau ai.4Lau na moale bada, badina be natumu haida na davaridia, hereva momokani dalana ai e rakamu, Tamada ese e henida haheḡanina heḡereḡerena. 5Hane lohia e, na noimumu, baita heura heheni; dia haheḡani matamatana ta asina tore henimumu, a matamana amo ta abia ḡauna. 6Lalokau binai: iena haheḡani dalana ai baita raka. Una haheḡani na matamana amo o kamonai, ba badinaia totona e henimui. 7Badina be koikoi taudia hutuma na tanobada ai e loamu, Iesu Keriso tau-anina ai ema na asie gwauraiamu; idia na koikoi taudia, Keriso inaina. 8Nahuamui ba toho, o tahumu ḡaudia ba rea na garina; davamui do bavabi ḡuḡuru. 9E raka hanaimu, Keriso ena hahediba herevadia se badinamu, tauna na Dirava enai se taomu; a hahediba herevadia e badinamu tauna na Tamada enai e taomu, bona Natuna danu enai e taomu. 10A ta baine vasi, ini hahediba herevadia basine vasilai, tauna na basio abia dae emu ruma ai, bona basio hanamoa. 11Badina be baine hanamoa tauna ese ena kara dika baine durua.
12Hereva hoho aina tore henimui na tomu, to pepa bona ink amo basina tore. A lau na uramu baina vasi itamui, bena baita hereva heheni, eda moale danu baine ḡuḡuru.
13Tadimu, e abia hidi hahinena, natuna ese e hahenamo henimumu.
Copyright information for
MEU